ILOILO CITY – Ginalibot sang tatlo ka team sang Public Safety and Transportation Management Office ang mga commercial establishment sa syudad sang Iloilo agud hibaluon kun nagasunod sila sa quarantine protocol.
Sa interview sang Bombo Radyo kay Jeck Conlu, pinuno sang Public Safety and Transportation Management Office, iya ginpahayag nga prayoridad sa subong sang tatlo ka team sang PSTMO kaupod ang tiglawas sang Business Permits and Licensing Office ang pag-check sa tagsa ka commercial establishment.
Suno kay Conlu, sa tion nga madakpan nga wala nagasunod sa quarantine protocol, mahimo nga ipasirado ang negosyo.
May yara naman sang random checkpoint ang Philippine National Police, Public Safety and Transportation Management Office, Land Transportation Office kag Land Transportation Franchising and Regulatory Board bangud sa pagdugok sang mga nagapadulong sa syudad sang Iloilo.
