ILOILO CITY – Ginahulat nalang sang Local Government Unit sang Sara, Iloilo nga matapos ang 14 ka adlaw nga quarantine sang mga Overseas Filipino Workers (OFW) nga ginrepatriate kag residente sang ila nga banwa.
Sa interview sang Bombo Radyo kay Sara Mayor Jon Aying, iya ginpahayag sa subong wala pa sila sang quarantine facility nga pahamtangan sang mga ginrepatriate nga OFW gani mas ginpili nila nga patiniron anay sila sa syudad sang Iloilo samtang nagahulat sang resulta sang ila Polymerase Reaction Test.
Suno kay Aying, sa subong padayon ang ila negosasyon sa mga tag-iya sang hotel sa Sara nga mahimo pahamtangan nila sang mga repatriated OFW.
