CEBU– Ginahulat nalang sang mga Stranded Overseas Filipino Workers sa Cebu, ang ila schedule nga makapauli sa Syudad kag Probinsya sang Iloilo.
Sa interview sang Bombo Radyo kay Ricky Sioson, isa ka Overseas Filipino Worker nga yara sa Cebu, iya ginpahayag nga nagahulat sila sang ila schedule agud makapauli, bangud nakatapos na sila sang Polymerase chain reaction test.
Suno kay Sioson kumpleto naman ang ila papeles kag nakapakig-angot na sila sa talatapan ni Iloilo Governor Arthur Defensor Jr. sa bulig man sang Overseas Workers Welfare Administration sa diin, permado na sang gobernador ang ila papeles.
Pahayag pa ni Sioson mapauli na sini nga adlaw sa Iloilo ang walo nila ka mga kaupdanan nga na stranded kag nagbayad ang mga ini sang P75,000 para sa chartered flight.
