ILOILO CITY- Nagapanghanda ang syudad sang Iloilo para sa pagpatuman sang ‘Ugsaran Tinlo-an, Para Balatian Malikawan’.
Sa interview sang Bombo Radyo kay Iloilo City Councilor Alan Zaldivar, iya ginpahayag nga pasangkaron ang pagpaninlo agud malikawan ang pagduging sang lamok nga nagadala sang balati-an.
Suno kay Zaldivar, igabalik man ang pagpatupan sang 4S kontra dengue apang may ginaduso nga igadugang agud mangin 5S na ang kampaya.
Ang 4S kontra dengue amo ang (1) Search and destroy (2) Secure self-protection (3)Seek early consultation , (4) Support misting kag ang plano nga idugang amo ang (5) Social Distancing and facemask.
Sa syudad sang Iloilo, may yara na sang 145 ka kaso sang Dengue kag isa ang ginbawi-an sang kabuhi.
