ILOILO CITY – Ginpanginwala ni Oton SB Member Sofronio Fusin Jr. kag anay Punong Barangay sang Pob East, Oton, Iloilo nga may yara siya sang kahilabtanan sa ginapahayag cash advances nga wala na liquidate sa ila nga barangay.
Sa interview sang Bombo Radyo kay Fusin, iya ginpahayag nga indi na sakop sang iya termino ang nasambit nga mga cash advances bangud iya na ini sang punong barangay nga ginbuslan niya.
Suno kay Fusin, wala man sya napahibalo may kaangtanan sa mga unliquidated nga mga cash advances kun wala naggwa ang bag-o nga audit report.
Dugang sang natungdan, wala na sya sang dapat pa nga sabton may kaangtanan sa nasambit nga isyu bangud sa iya pagpanghangop indi na ini sakop sang iya katungdanan.
