ILOILO CITY – Natalana nga ipatawag ni Iloilo City Mayor Jerry Treñas ang mga punong barangay sa distrito sang La Paz nga nagpirma sang letter of condemnation batok kay Public Safety and Transportation Management Office (PSTMO) Head Jeck Conlu.
Ang amo nga condemnation letter ang gindihon kasunod sang ginapahayag ‘pagtolerar’ ni Conlu sa akto sang traffic auxiliary nga nagdakop sang isa ka Barangay Tanod bangud sang pag-agi sa national road.
Una na nga ginpahayag nga may yara sang emerhensya apang nabatian man sa Bombo Radyo ang depensa sang amo nga traffic aide nga ‘wala siya sang nakit-an’ nga emerhensya sang natabo ang pagdakop.
Sa interview sang Bombo Radyo kay Treñas, iya ginpahayag nga hibaluon niya ang luyag hingyuon sang Association of Barangay Captains (ABC) in La Paz District kag kun ano pa ang ila hibubun-ot.
Base sa kopya sang sulat, ang mga nagpirma amo ang mga kapitan sang masunod nga mga barangay:
- Brgy. Lopez Jaena Norte
- Aguinaldo
- Divinagracia
- Bantud
- Burgos-Mabini
- Banuyao
- San Nicholas
- Magsaysay
- Baldoza
- Laguda
- Lopez Jaena Sur
- Railway
- Hinactacan
- Ticud
- Caingin
- Gustilo
- Ingore
- Rizal
- Jereos
- McArthur
Magluwas sa mga punong barangay, ipatawag man sang alkalde sanday Conlu kag Iloilo City Councilor Jojo Javellana nga amo ang nagpatigayon sang privilege speech agud kondenaron ang ginhimo sang PSTMO.
