Q. ABETO, MANDURRIAO, ILOILO CITY– Wala naglaum ang isa ka residente sang Barangay Q. Abeto Mandurriao Iloilo, nga partially masunog ang ila puluy-an lakip na ang ila kagamitan.
Sa interview sang Bombo Radyo kay Teresita Lopez, nagapanag-iya sang amo nga balay, iya ginpahayag nga wala niya nalauman ang amo nga sunog, bangud nakaandan naman niya nga samtang nagahimos, nagaluto man siya sang pagkaon sang iya ido.
Suno kay Lopez, nalipat siya nga may yara siya sang ginsun-ad sa gas stove bangud nawilihan siya sang iya ginahimo.
Pahayag pa niya, ginhingaw niya off ang tangke sang LPG kag mismo ang stove nga iya gingamit.
Lakip sa mga nagkalasunog suno kay Lopez, amo ang mga aircondition, refrigerators kag iban pa nga malahalun nga kagamitan
Dako ang pasalamat niya suno sa natungdan, bangud apisar sang natabo nakaluwas siya sa sunog.
Nahibaluan nga ginabanta P1.7 million ang halit nga natuga sang sunog.
