FLORIDA- Nangin matawhay na subong ang sitwasyon sa Florida sa Estados Unidos matapos sang serye sang mga Black Lives Matter Protest.
Sa report ni Bombo International Correspondent Lorelie Panongon direkta sa Florida, iya ginpahayag nga matawhay na ang sitwasyon sa ila lugar rason nga ginkuha na ang curfew.
Suno kay Panongon, sang mga nakaligad nga adlaw, masako ang dalanon sa Florida sa mga hublag protesta, apang sa subong ang kinagamo ang yara sa New York City.
Samtang sa bahin naman sang epekto sang Coronavirus disease 2019, nagbukas na ang mga malls apang limitado lang ang oras sang pagbatun sini sa mga pumuluyo.
Pahayag pa ni Panongon, limitado palang ang mga trabahante nga nagabalik sa ila trabaho, bangud wala pa nakabukas ang iban nga mga negosyo.
Sa subong suno sa natungdan, yara na sa phase 1 ang Estados Unidos sang ila lihok agud liwat nga makabangon gikan sa epekto sang pandemya.
