LONDON– Nagprotesta ang linibo ka tawo sagwa sang US Embassy sa London, agud kondenarun ang natabo nga police brutality sa kamatayon ni George Floyd sa Minneapolis.
Ang nasambit nga mga protesters ang nakasuksok sang face masks agud protektahan ang ila kaugalingon kag may dala ang mga ini nga placards nga may slogan ‘racism is a virus’.
Nangin matawhay ang hublag protesta, magluwas na gidlamang sa magamay nga numero sang mga tawo nga nagpakig-away sa mga gindeploy nga police malapit sa kalye sa diin nahamtang ang balay ni Prime Minister Boris Johnson.
Suno kay London Police Chief Cressida Dick, 27 ka ka mga police officers ang nagkalasamaran bangud sa pagpakig-away sang mga protesters sa kapulisan.
Ginhingyo naman ni Dick kag ni Health Minister Matt Hancock ang mga nagapakigbahin sa anti-racism protest nga indi na pagsuliton ang ginhimo nga pagprotesta, bangud dako ang risgo nga maglapta ang coronavirus disease 2019.
