ILOILO – Magabalik na bwas, Hunyo 20, ang byahe sang fast craft nga may ruta Iloilo-Bacolod and vice versa.
Sa interview sang Bombo Radyo kay Maritime Industry Authority (MARINA) Region VI Director Jose Venancio Vero, iya ginpahayag nga kadungan sang pagbalik sang operasyon sang fast craft companies, ipatuman man ang minimum health standard protocols.
Suno kay Vero, dapat nga i-disinfect ang sulod sang fast craft sa tagsa nga manaug ang mga pasahero kag antes magsakay ang masunod naman nga grupo.
50 percent seating capacity man ang pagasundon kun sa diin “one-seat-apart” ang mga pasahero.
Magluwas diri, ipatuman man ang “no mask, no boarding.”
Bilang proof of residence sa Western Visayas, kinahanglan lang nga ipakita sang pasahero ang ginapanag-iyahan nga Identification Card.
Gin-athag man ni Vero nga duha lamang ka round trips sang tagsa ka fastcraft company ang pahanugutan sa tagsa ka adlaw.
#
