ILOILO CITY – Ginhangkat ni Iloilo City Mayor Jerry Treñas si Department of Health (DOH) Secretary Francisco Duque III nga boluntaryo nga magresign sa pwesto.
Ini ang kasunod sang “libagon” nga gina-obra kag desisyon sang pamunuan umpisa sang nag-abot ang coronavirus disease 2019 (COVID-19) pandemic sa Pilipinas.
Sa speech ni Treñas sa flag-raising ceremony sang Iloilo City Hall subong nga adlaw, Hunyo 29, iya ginpahayag nga sala nga desisyon nga ipadala ang mga medical doctors sang Iloilo sa Cebu kun sa diin mas mataas pa ang numero sang kaso sang COVID-19.
Suno sa alkalde, “Mas daku ang problema kun sagad kita padala sang mga doctor didto nga ang aton mga doctor di, wala ta kabalo sang ila sitwasyon.”
Nahibaluan nga kahapon, Hunyo 28, ginkumpirma nga may yara sang anum ka doctor sa St. Paul’s Hospital Iloilo nga nagpositibo sa COVID-19, apang apat ka batch sang medical teams sang DOH Region 6 ang ipadala man subong nga Lunes, Hunyo 29, sa Cebu City agud magbulig sa pagtapna sang COVID-19.
Suno kay Treñas, nagapamalibad na sa pag-report sa trabaho ang mga doktor sang pribado nga ospital sa Cebu bangud sang risgo sang infection, rason nga nag-kuha sang dugang nga mga doktor sa Western Visayas agud i-augment sa amo nga lugar.
“DOH has not done a correct decision since the start of this pandemic in the Philippines. We are the country with the longest lockdown and yet the cases continue to go up. I think it is really about time for him to accept responsibility and voluntarily resign for the sake of the country. Para sa akon ‘ya, daw libagon gid ang tanan nga ginaobra nila,” pahayag ni Treñas.
#
