ILOILO CITY – Liwat nga ginhugtan ang mga pagsulundan sa syudad sang Iloilo may kaangtanan sa bag-o na-record nga mga kaso sang coronavirus disease 2019(COVID-19).
Sa interview sang Bombo Radyo kay Iloilo City Mayor Jerry Treñas, iya ginpahayag nga epektibo subong nga gab-i, igabalik ang mas temprano nga curfew nga maga-umpisa 10:00 sa gab-i tubtob 4:00 sa kagab-ihon.
Hugton man ang mga pagsulundan sa mga establisemento nga nagabaligya sang makahulubog nga ilimnon apang istoryahan pa suno kay Treñas kun may limitasyon nga ipatuman.
Magluwas diri, ginpahayag sang alkalde nga may mandu siya kay Iloilo City Councilor kag Liga ng mga Barangay President Irene Ong nga mas ipahangop ang coronavirus restrictions sa mga pumuluyo sa syudad.
Ginadumulian suno kay Treñas ang paghampang sang basketball sa mga barangay gym.
Sa pamangkot kun bala posible nga magabalik ang syudad sang Iloilo sa enhanced community quarantine ukon sa mas hugot nga pagpatuman sang quarantine, ang sabat ni Treñas amo nga importante sa subong amo nga wala sang may mapatay bangud sang virus
