ILOILO CITY – Pasangkadon sang Iloilo City Government ang contact tracing sa mga na close contact sang mga pasyente nga nagpositibo sa Coronavirus disease 2019 (COVID-19) sa Zone 2. Bo.Obrero, Lapuz, Iloilo City.
Ini amo si WV 679, 80 anyos kag ginbawian na sang kabuhi.
Sa ulihi, nagpositibo man sa COVID-19 ang asawa sini nga si WV 821, 71 anyos kag anak nga si WV 820, 39 anyos nga sa subong nagapabilin sa quarantine facility.
Sa exclusive interview sang Bombo Radyo kay Iloilo City Mayor Jerry Treñas, iya ginpahayag nga ginpaidalom sa 72 hour lockdown ang nasambit nga barangay sa diin nasaad ini sa executive order nga iya ginpirmahan.
Suno kay Treñas, ang tatlo ka adlaw nga lockdown ang gamiton agud magpatigayon sang maid-id nga contact tracing.
Magluwas sa barangay, magapatigayon man sang nasal swab test ang contact tracing team sa lugar sa diin naga trabaho ang mga na close contact sang pamilya ni WV 679.
