SAN MIGUEL, ILOILO – Patay ang manug-talauma sang sandiya matapos ginluthang sa Sitio Lanag, Brgy. Sta. Cruz, San Miguel, Iloilo.
Ang biktima amo si Joemarie Melendez, 43, residente sang Hibao-an, Mandurriao, Iloilo City.
Samtang ang suspek naman amo si Alfredo Tabiolo, 37, residente sang Sitio Lanag, Brgy. Sta. Cruz, San Miguel, Iloilo kag kaupod lang sang biktima sa iya gina-istaran nga balay sa nasambit nga banwa.
Sa exclusive interview sang Bombo Radyo kay Police Lt. Joebert Amado, hepe sang San Miguel Police Station, iya ginpahayag nga nagbais sanday Melendez kag Tabiolo tubtub naimpito ang suspek kag ginluthang sa nalikod nga bahin sang ulo ang biktima.
Nahibaluan nga gin-unahan na lang ni Tabiolo nga patyon si Melendez matapos ginpahog sang biktima nga patyon niya ang suspek kag ang bilog niya nga pamilya.
Suno kay Amado, nagtawag mismo ang suspek sa iya asawa kag gin-ako nga ginpatay niya ang biktima.
Sa subong padayon
