SARA, ILOILO – Pinasahi nga pamaagi ang ginhimo sang mga pamatan-on sa Barangay Ferraris, Sara, Iloilo agud matudluan ang mga indi makahibalo magbasa sa ila lugar.
Sa interview sang Bombo Radyo kay Rey Segaton, chairman for Membership Affairs sang Abyan, iya ginpahayag nga ang ila grupo nga ‘Abyan’ ang nagtukod sang ‘Project TulAklatan’.
Ang ‘Project TulAklatan’ ang isa ka community mobile library nga nagahatag sang access sa quality education kag nagatib-ong sang Filipino values, environmental protection, mental health, kag public safety sa mga kabataan sa Brgy. Ferraris, Sara Iloilo.
Suno kay Segaton, Hunyo 16 sang ang umpisa ang ila proyekto kag tuman ang ila kalipay matapos nag-angkon ini sang positibo nga feedback.
Ginakalipay man ni Segaton bangud madamo sang mga private sector nga nagabulig sa ila proyekto.
Bukas naman ang ila grupo sa mga luyag mag volunteer kaupod nila.
