ILOILO CITY – Nagpapanaug ang City Legal Office sang first indorsement sang order may kaangtanan sa dismissal sang isa ka regular employee sang Iloilo City Government nga ginapahayag may kahilabtanan sa mga kontrobersiya sa Local Civil Registry.
Ang order ang gindagdag batok kay Joe Mari Esteral nga una na nga gin-angot bilang bagman ni Mr. Juncae Manikan, pinuno sang Local Civil Registry.
Nahibaluan nga una ginpasakaan sang kaso nga Gross Insubordination, Grave Misconduct kag Gross Neglect of Duty si Esteral kag naggwa sa imbestigasyon sang Iloilo City Administrative Investigation Committee nga guilty si Esteral sa Gross Insubordination.
Ginkumpirma man sang Civil Service Commission Regional Office VI nga una nga nagfile sang notice of appeal si Esteral sa Civil Service Commission Central Office apang sang ulihi ginbawi man.
Ang first indorsement ang gin-indorse sa Human Resource Department, Office of the City Administrator, Accounting Department, City Treasurer’s Office, City Budget Office, Local Civil Registrar’s Office kag General Services Office.
