ILOILO CITY – Gin-athag ni Iloilo City Mayor Jerry Treñas nga may exemption ang pagpahanugot sang Iloilo City Government sang mga flight halin kag padulong sa syudad sang Iloilo nga wala sang limitasyon sa numero sang pasahero.
Sa interview sang Bombo Radyo kay Mayor Treñas, iya ginpahayag nga para lang ini sa mga Locally Stranded Individuals kag Authorized Persons Outside Residence.
Suno sa iya, indi pa bukas ang Iloilo City para sa turismo kag mga tawo nga luyag lang maglagaw sa syudad.
Matandaan nga sa advisory nga ginpagwa sang opisyal, wala sang limitasyon sa numero sang flights sa kondisyon nga nagacomply lang ang mga pasahero sa requirements sang National Inter-Agency Task Force ukon NIATF.
