ILOILO CITY – Posible nga short circuit ang rason sang sunog nga nagluntad sa Barangay Tap-oc, Molo, Iloilo City kaina sang kaagahon.
Sa interview sang Bombo Radyo kay SFO2 Rollin Hormina, chief arson investigator sang Iloilo City Fire Station, iya ginpahayag nga ini ang base sa ila inisyal nga imbestigasyon kag base sa mga materyal nga narecover sa lugar nga nasunugan.
Ginpahayag ni Hormina nga sa balay ni Shiela Mabilog naghalin ang kalayo kag ini ang totally burned.
Gilayon man nga naglapta ang kalayo kag tatlo ka mga balay ang partially burned lakip na ang balay ni Arsenas Lazardo, Roberto Soriano kag ang bahin sang balay ni anay Iloilo City Mayor Jed Patrick Mabilog.
Magluwas sa mga balay, may salakyan man nga nadalahig sa sunog.
Ginabanta nga naglab-ot sa P1.7 million ang balor sang halit.
