Wala sang gana kag wala sang plano ang prime minister sang Thailand nga magpanaug sa pwesto sa pihak sang binulan na nga pagpatigayon sang hublag-protesta sa amo nga pungsod.
Suno kay Thai Prime Minister Prayuth Chan-ocha, indi niya pagpalagyuhan ang iya nga obligasyon kag indi siya mag-resign bangud ini ang tion nga napun-an sang problema ang Thailand.
“I will not run away from problems. I will not leave my duty by resigning at a time when the country has problems.”
Nahibaluan nga halin sang tunga-tunga nga bahin sang Hulyo, masobra na sa napulo ka libo ang nagpasakop sa student-led protest sa amo nga pungsod bangud sang panawagan nga sipaon sa pwesto ang prime minister kag buhinan ang gahum sang monarkiya.
Umpisa sang natabo ang hublag-protesta, wala pa sang komento ang hari sang palasyo nga si King Maha Vajiralongkorn.
Ginaduso naman sang mga miyembro sang opposition sa parliament nga magstep-down na si Prayuth kag untaton ang pagpahayag sang iya “loyalty” sa monarkiya.
Suno naman kay Prayuth, may yara siya sang gintukod nga committee agud matun-an ang binulan na nga problema.
Gin-ako sang prime minister nga wala siya nakahibalo kun ano ang himuon sa protesters kag wala siya nakahangop kun sin-o nga lider ang iya istoryahon.
