Nag-ayo na ang 96.2% sang mga health workers sa Pilipinas nga infected anay sang COVID-19.
Sa latest COVID-19 Situationer sang Department of Health, nakasaad nga 10,906 ang kabug-usan nga COVID-19 cases sa mga health workers sa pungsod.
350 sa sini nga numero ang padayon nga ginabulong ukon active cases.
69 naman ang ginbawian sang kabuhi.
Sa latest comprehensive weekly report sang ahensya, ginpahayag nga sa mga infected, 3,788 ang nurses, 1,879 ang doctors, 517 ang medical technologists, 291 ang midwives, 199 ang radiologic technologists, 133 ang pharmacists kag 79 ang respiratory therapists.
May yara man sang mga nagpositibo nga non-medical personnel kaangay sang administrative staff members, barangay health workers, utility personnel, dietary staff, security guards, drivers, social workers kag government employees.
