Magabalik na ang Philippine Red Cross (PRC) sa pagpatigayon sang coronavirus disease (COVID-19) testing sa Pilipinas.
Ini ang gin-anunsyo ni Philippine Red Cross Chair Senator Richard Gordon matapos nagbayad na ang Philippine Health Insurance Corporation (PhilHealth) sang katunga sang balor sang ila utang.
Suno kay Gordon, magabukas ang testing laboratories sang PRC subong nga adlaw, Oktubre 28.
Apisar sini, nagpaandam si Gordon nga untaton nila liwat ang COVID-19 testing services sa tion nga indi pagtumanon sang PhiHealth ang ila promisa nga magabayad tatlo ka adlaw pagkatapos sang kada swab test nga ipatigayon sang Philippine Red Cross.
Ginpahayag ni Gordon nga indi na siya maghingyo ukon magpakitluoy liwat sa PhilHealth bangud indi na niya luyag nga magdaku pa liwat ang utang sang PhilHealth sa Red Cross nga amo ang largest COVID-19 testing organization sa pungsod.
Nahibaluan nga nagdangat sa P1.1-billion ang utang sang PhilHealth sa nasambit nga humanitarian organization kag subong yara pa sa P600 million ang ila nga balayran.
