ILOILO CITY- Mangin bentaha para sa mga Filipino immigrants sa tion nga magdaog bilang presidente sang Estados Unidos si Democratic Party candidate Joe Biden.
Sa interview sang Bombo Radyo kay Lisa Kircher Pagkalinawan, Chair of Democrats Abroad Philippines, iya ginpahayag nga sa idalom sang administrasyon ni US President Donald Trump, nagnubo ang numero sang Filipino immigrants bangud sa restrictive immigration measure nga ginpatuman sang subong nga administrasyon.
Suno kay Pagkalinawan, masobra 500 ka gatos nga kabataan ang naseparar sa ila ginikanan bangud sa istrikto nga immigration system nga nagtuga sang trauma sa madamo nga kabataan kag makabig nga isa ka criminal act ang ginhimo sang subong nga administrasyon.
Pahayag niya, sa tion nga magdaog nga presidente,isa sa mga iga-reporma ni Biden ang immigration system sang Estados Unidos bangud isa ini sa nagapakigbato sang preserbasyon sang pamilya.
