Tubtob subong nga adlaw nalang ang pagpahanugot sa mga tawo nga makabisita sa mga patyo kag makaduaw sa ila nga mga nagtaliwan nga himata may kaangtanan sa pagdumdom sang pista-minatay.
Ini ang kasunod sang mandu sang Inter-Agency Task Force for the Management of Emerging Infectious Diseases nga sirado ang tanan nga private and public cemeteries, memorial parks, kag columbariums umpisa Oktubre 29 tubtob Nobyembre 4 agud malikawan ang COVID-19 transmission.
Sa interview sang Bombo Radyo kay Pol. Lt. Col. Joem Malong, tagpamaba sang Police Regional Office VI, iya ginpahayag nga may yara sang 291 ka Police Assistance Desk (PADs) kag 797 ka deployed nga mga personnel sa rehiyon.
May yara man sang mga 2,308 ka PNP personnel kag force multipliers nga gindeploy sa Assistance Hubs (AHs):
Major highways – 494
Cemeteries – 1349
Airports – 16
Seaports – 53
Bus terminals- 220
Malls – 68
Resorts-108
Magluwas diri, may yara man sang 597 ka mga nadeploy nga mga pulis bilang Road safety Marshals.
