Makapila na ka beses nga nagtuyo nga maghikog ang 33 anyos nga lalaki antes nadayunan kag nasapwan nga wala na sang kabuhi sa Barangay Cabubugan, Guimbal, Iloilo.
Ang biktima amo si Alyas Arnold, residente sang nasambit nga barangay.
Sa interview sang Bombo Radyo kay Pol. Lt. Nelson Caro, hepe sang Guimbal Municipal Police Station, iya ginpahayag nga kasilingan ni Toledo ang nakasapo sa iya bangkay nga nagabitay sa puno sang niyog sa alagyan padulong sa ila nga uma.
Apisar wala gintumod kun ano ang partikular nga problema sang biktima antes ang insidente, ginpahayag ni Caro nga santo sa panaysayon sang mga himata sang biktima, masami ini nagatuyo nga maghikog ‘bisan ano lang ang problema.’
Kumbinsido ang pamilya sang biktima nga wala sang foul play sa likod sang insidente.
