ILOILO CITY – Kuhaon sa special education fund (SEF) sang Iloilo City Government ang P100 million nga pondo nga amo ang ibakal sang COVID-19 vaccine kun mangin available na ini sa masunod nga tuig.
Sa interview sang Bombo Radyo kay Iloilo City Mayor Jerry Treñas, iya ginpahayag nga sa subong, amo ini ang identified kag ginalantaw nga source of fund para sa syudad.
Ginasigurado sang alkalde nga una makabaton sang bakuna ang mga nagatrabaho sa frontlines — lakip na ang Iloilo City Hall employees, barangay officials, kag uniformed personnel nga amo ang nagapatuman sang mga health protocols sa syudad.
Una na ginpahayag sang alkalde nga ang ginapahanda nga P100 million ang inisyatibo sang Iloilo City Government kun magkabos man ang pondo nga ginpain sang national government.
