ILOILO CITY – Padayunon sa gihapon sang Iloilo City Government ang Miss Iloilo 2021 kag Iloilo Festivals Foundation Incorporated nga isa sa mga aktibidad sa Dinagyang Festival.
Sa exclusive interview sang Bombo Radyo kay Iloilo City Mayor Jerry Treñas, iya ginpahayag nga nangin maayo ang ginpatigayon nga pinakauna nga Miss Iloilo 2020 sang Enero sa diin ang nagdaog nga Miss Iloilo Universe nga si Rabiya Mateo amo ang nagdaog bilang Miss Universe Philippines 2020.
Suno kay Treñas, padayunon ini sa masunod nga tuig sa diin koronahan ni Rabiya ang iya succesor.
Samtang, gin-athag naman sang alkalde nga ang tanan nga mga aktibidad sa Dinagyang Festival ang pagasabton lang sang Iloilo Festivals Foundation Incorporated sa diin ang presidente amo si Atty. Jobert Peñaflorida.
