Halos tanan nga tawo sa kalibutan may yara ginakawilihan kag may paborito nga butang.
Masami himuon naton ang tanan agud makuha naton ang aton mga ginakahiligan.
Ini man ang natabo sa isa ka babahi nga adik sa tanan nga butang nga color pula!
Ini bangud ginapalibutan sini ang kaugalingon sang mga butang nga color pula sang masobra 40 na ka-tuig.
Ang nasambit nga babahi amo si Zorica Rebernik, 68 anyos kag retired teacher sa Bosnia.
Suno kay Rebernik, tanan niya nga kagamitan lakip na ang iya panimalay, color pula.
Wala man nagpaulihi ang color pula sa buhok niya, gown sa kaugalingon nga kasal, mga panapton sa pagkadto sa mga lubong kag iban pa nga sahi sang okasyon.
Ang sulod man sang balay ni Rabernik ang napun-an sang tanan nga pula nga butang, luwas gid lamang sa iya heater nga color puti nga gin request pa sang iya bana.
Bangud diri nangin bantog si Rabernik kag siya ang ginkilala nga Red Lady sang Bosnia.
Halos tanan sa ila pungsod ang nakakilala sa iya.
Pahayag pa ni Rabernik nga masami siya makabaton sang regalo kag suno sa iya, batunon lang niya ini basta color pula.
