Istrikto nga ipatuman sang Iloilo Provincial Government ang pagsulundan sang Department of the Interior and Local Government kag sang Inter-Agency Task Force may kaangtanan sa bulang ukon cockfighting operations.
Ini ang sabat ni Iloilo Governor Arthur Defensor Jr. may kaangtanan sa hingyo sang pila ka cockpit operators kag promoters sa Iloilo nga ipatigayon ang livestreaming sa bulang.
Sa interview sang Bombo Radyo kay Iloilo Governor Arthur Defensor Jr., iya ginpahayag nga ginatindugan sang probinsya ang Resolution 79, Series of 2020 sang Inter-Agency Taskforce nga ginpirmahan sang Oktubre 15 kun sa diin nakasaad nga subject sa strict observance sang health and safety protcols ang mga bulang.
Indi man pagpahanugutan ang personal nga presensya sang mga audience, ang online kag remote betting ukon pagpustaanay, kag ang live broadcasting ukon telecasting sang cockfights.
Suno kay Defensor, base sa Memorandum Circular 2020-140 sang Department of the Interior and Local Government, responsibilidad man sang mga local government unit officials nga imonitor ang cockfighting operations kag tutukan ang protocol sa no-live streaming and public exhibition.
May kaangtanan diri, magapagwa sang executive order sang gobernador may kaangtanan sa pagdeploy sang police officers sa cokfighting arena sa mga banwa sa probinsya agud regular nga ma-check kun ginatuman sa mga bulangan ang mga pagsulundan sang gobyerno.
