ILOILO – Pasado na sa 3rd and final hearing sa Sangguniang Panlalawigan ang Online Protection Ordinance nga nagatuyo nga proteksyunan ang pumuluyo sa online scam.
Sa interview sang Bombo Radyo kay Iloilo 4th District Board Member Rolando Distura, iya ginpahayag nga ini nga ordinansa ang magahatag sang kahigayunan sa mga recipient ukon nagabakal online nga macheck ang produkto bag-o batunon kag kun indi satisfied ang nagabakal ukon sala nga item ang nag-abot, pwede ini mabalik kag wala na sang bayaran pa.
Kaangot sini, kun mamalibad ang courier, may yara nga penalidad para sa ila.
Suno pa kay Distura, apisar nga Cash on Delivery ini ukon indi, kun sala ang produkto wala na sang dapat baydan pa ang nagabakal.
Matandaan nga madamo na sang nabiktima ang online scam sa diin mangin si Distura ang wala man nakaluwas diri.
