ILOILO – Gin-umpisahan na sang Iloilo Provincial Government ang Limpyo Dalanon.
Ini ang may kaangtanan sa road clearing operations nga ginmandu ni Presidente Rodrigo Duterte kag ginpatuman sang Deparment of Interior and Local Government (DILG) pinaagi sa Memorandum 2020-145.
Sa interview sang Bombo Radyo kay Iloilo Governor Arthur Defensor Jr., nagalaom siya nga mangin madinalag-on ang nasambit nga lihok sa mga local government officials.
Magapatigayon man sila sang motorcade suno sa gobernador agud mapabalo sa publiko ang nasambit nga programa.
Ginpahayag sang gobernador nga ang mayor nila nga tutukan amo ang basura nga masami makita sa kilid nga dalan nga ginahaboy sang mga motorista.
Full implementation ini sa mga lugar nga naka-modified general community quarantine (MGCQ) kaangay sang probinsya sang Iloilo.
