ILOILO CITY – Naghingyo ang Iloilo City Council sa Philippine National Police (PNP) sang police visibility kag crime prevention sa syudad.
Sa exclusive interview sang Bombo Radyo kay Iloilo City Councilor Carlos ‘Jojo’ Javellana, chairman sang Committee on Police Matters sa Iloilo City Council, iya ginpahayag nga gindayaw niya ang gilayon pagsolbar sang Iloilo City Police Office sa mga crime incidents.
Suno kay Javellana, apisar nga indi mapaktan ang mga nagaobra sang krimen, importante nga matagaan ini sang nagakaigo nga solusyon.
Nagapasalamat man si Javellana kay Iloilo City Police Office Director Police Col. Eric Dampal bangud madasig ang ila nangin pagsolbar sa mga kinagamo kag krimen sa syudad sang Iloilo.
