ILOILO – Nangin madinalag-on ang ginpatigayon nga Dugong Bombo in Partnership with Ugyon Para sa Passinhon: Dugo Mo, Kabuhi sang Passi City.
Ini ang ginpatigayon sa Passi City Arena sa Passi City.
Sa exclusive interview sang Bombo Radyo kay Jason Delos Santos, 29, residente sang Dumarao, Capiz kag isa sa mga succesful donors, iya ginpahayag nga ini ang labing una nga kahigayunan nga nagdonar siya sang dugo.
Nagpangimbitar man ini sa publiko nga magdonar man sang dugo sa iban pagid nga mga hugnat sang Dugong Bombo.
Ang nasambit nga blood letting ang bunga sang pagbuligay sang Bombo Radyo Iloilo kaupod ang local government unit sang syudad, Philippine Red Cross kag Western Visayas Medical Center Blood Bank.
Nahibaluan nga magluwas subong nga adlaw, nangin madinalag-on man ang ginpatigayon nga Dugong Bombo sa nasambit nga lugar sang Nobyembre 24.
