ILOILO – Wala pa sa gihapon magsungka ang 38 anyos nga magulang nga nagrape sa iya dalagita nga manghod sa Barotac Viejo, Iloilo.
Ang biktima amo si alyas Nene, 16, samtang ang suspek naman amo ang iya nga magulang nga si alyas Nonoy, 38, soltero kag lunsay residente sang nasambit nga lugar .
Sa exclusive interview sang Bombo Radyo kay Alyas “Neneng”, nanay sang biktima kag suspek, iya ginapahayag nga antes atabo ang pagpangrape nagtig-ang pa si Alyas Nene sa diin ginahurikap na ini sang iya magulang.
Suno sa iloy, nagpanugid ang biktima sa ginahimo nga paglugos sang iya magulang.
Diri kag nagpangayo sang bulig ang iloy sa ila punong barangay agud makapatawag sang pulis.
Ginapahayag nga ginapahog sang magulang ang iya manghod rason nga natigayon ang pagpanghimulos.
Gilayon naman nga nagpalagyo ang suspek matapos natukiban nga nagpanugid ang iya manghod sa mga otoridad.
Apang pahayag sang iloy, nagtext pa ang suspek nga iya man anak nga manghikog na ini kag ginpangabay nga magsinidi na sila sang kandila.
Samtang ginpahayag sang iloy nga kulang pa ang kabuhi sang iya subang nga anak sa ginhimo sini sa iya manghod.
Nahibaluan nga magapangatubang sang kaso nga paglapas sa Republic Act 8353 ukon The Anti-Rape Law of 1997 ang suspek.
