Natukiban sa pagpanalawsaw sang Department of Science and Technology – Philippine Nuclear Research Institute (DOST-PNRI) nga indi puro ang 80% nga mga ginabaligya nga produkto nga honey sa merkado sa pungsod.
Suno kay Dr. Angel Bautista VII chemist sang DOST-PNRI, nagwa sa ginpatigayon nila nga pagtuon nga naga-unod sang syrup halin sa sugar cane ukon tuba sang mais ang kadam-an sa mga ginabaligya nga honey.
Pinaagi sini suno sa natungdan, mas madamo nga produkto ang mabaligya sang mga manufacturers kag indi na kinahanglan pa nga magasto sang mahal.
“62 out of the 76 (82%) of honey brands that were found to be adulterated were composed of 95% C4 sugar syrup. So, they are not actually adulterated but they are just completely purely sugar syrup,” pahayag ni Dr. Bautista.
Paathag sang eksperto, 75% ukon 12 sa 16 nga local honey brands sa mga grocery kag souvenir shops ang indi matuod nga honey.
Makabig naman nga impure ukon indi puro nga honey ang 87% ukon 64 halin sa 74 local brands nga ginabaligya online.
“Lastly, from 41 imported honey products marketed in local stores, none of them were found to be adulterated.”
Nagakahangawa naman si Dr. Bautista sa posible malain nga epekto sa pagbakal sa mga produkto nga indi himo sa puro nga honey.
Ginakabig naman nga dako nga kapyerdihan sa mga beekepers ang kompetisyon sa mga nagabaligya sang peke nga honey products.
“You may be buying honey for its wonderful health benefits, but because of adulteration, you may actually just be buying pure sugar syrup. Consuming too much pure sugar syrup can lead to harmful health effects.”
“This is affecting our local honey industry so badly that we estimate that they are losing PhP200 million per year,” dugang pa ni Dr. Bautista.
Ginpanugyan naman sang Philippine National Standard for Honey sang Bureau of Agriculture and Fisheries Standards, nga wala sang dapat nga ginasimpon nga food additives ang mga ginabaligya nga honey sa merkado.
Kun may ara man, responsibilidad na sang manufacturers nga ibutang ini sa labelling lakip na ang lugar nga ginkuhaan sang honey.
Isa ka sahi sang analysis ang nakabulig sa mga researchers sang DOST-PNRI agud matumod ang resulta sang pagtuon kaangot sa honey products.
Ginatawag ini nga “stable carbon isotope ratio analysis” sa diin pinaagi sini mahapos nga matumod ang ginhalinan sang isa ka substance.
“This type of analysis allows researchers to see isotopes – elements with same number of electrons and protons but different number of neutrons – which can give clues on the origin of the substance.”
“The carbon-13 signature is like a fingerprint of honey and common adulterants like sugarcane and corn are completely different from each other. Therefore, we can differentiate one from the other. This unique isotopic signature is what we are using to tell if honey is authentic or fake,” pahayag ni Dr. Bautista.’
Napadala naman sang team ni Dr. Bautista sa Food and Drug Administration ang findings sang ila pagtuon.
Nagapanawagan naman ang eksperto sa mga otoridad nga hugtan ang ginapatuman nga polisa nga magahatag sang proteksyon sa industriya sang honey kag beekeepers sang pungsod.
