Indi na magpangdakop ang Philippine National Police (PNP) sa mga wala nagasuksok sang face masks kag face shields sa pampubliko nga lugar.
Suno kay PNP spokesman Brig. Gen. Ildebrandi Usana, sa baylo nga magpangdakop, madala sang extra nga mask kag shield ang mga pulis agud ipanagtag sa mga wala nagasuksok sang protective gear.
Nahibaluan nga santo sa latest guidelines sang Inter-Agency Task Force for the Management of Emerging Infectious Diseases (IATF), nagakadapat nga magsuksok sang face masks kag face shields ang mga tawo sa tion nga magwa sa pampubliko nga lugar bilang kabahin sang health kag safety protocols.
Ginpahayag ni Usana nga ginatugyan na nila sa local government units ang pagpatuman sang sanction sa mga violators.
“What we understand is it is the local government unit that will be issuing appropriate sanctions with regard to the compliance to the guidelines of the IATF,” pahayag ni Usana.
Sang gin-usisa kun sa diin mangita sang pondo ang PNP, gin-athag ni Usana nga gamiton nila ang personal protective equipment nga gindonar sang non-governmental organizations.
Nagpanawagan man si Usana sa publiko nga mangin responsable kag magsunod sa protocol sang gobyerno agud malikawan ang COVID-19.
“We still advise people to use what is necessary to protect themselves.”
Nagdepensa man ang Department of Health (DOH) sa desisyon sang Inter-Agency Task Force for the Management of Emerging Infectious Diseases sa pagmando sa pagsuksok sang face shield sa pampubliko nga lugar.
Suno kay Health Secretary Francisco Duque III, ang desisyon ang ginbase sa science kag ebidensya agud maprotektahan ang tawo batok sa COVID-19.
“It is proven that when you wear face masks, face shields and observe physical distancing of less than one meter, the protection or risk reduction is 99 percent,” pahayag ni Duque.
“The threats of COVID-19 are still here. It will not go on vacation this holiday so it is important for all of us to remain vigilant.”
Sa idalom sang IATF Resolution 88, ang tanan nga indibidwal ang wala lang ginamanduan sa pagsuksok sang face masks kundi mangin sang full face shields kun yara ang mga ini sa pampubliko nga lugar.
