ILOILO CITY – Diskusyunan pa ni Iloilo City Mayor Jerry Treñas kag sang COVID-19 team kun kinahanglan pa ang counterpart executive order sa syudad sang Iloilo may kaangtanan sa mas relaxed nga mobility restrictions para sa mga kabataan kag mga tigulang.
Ini ang kasunod sang latest resolution nga ginpagwa sang Inter-Agency Task Force for the Management of Emerging Infectious Diseases kun sa diin ginapahanugutan na nga makagwa sa ila balay ang mga tawo nga nagaedad 10 anyos tubtob 65 anyos sa sa mga lugar nga nakapaidalom sa modified general community quarantine (MGCQ).
Epektibo ini nga mandu sa Pebrero 1.
Sa interview sang Bombo Radyo kay Jeck Conlu, COVID-19 spokesperson sang syudad sang Iloilo, iya ginpahayag nga masami man nga nagapagwa sang separado nga executive order si Mayor Treñas agud malikawan ang pagsalangisag sang publiko.
Nahibaluan nga santo sa daan nga resolusyon sang Iloilo City, indi mahimo makagwa sa balay ang nagaedad 15 anyos panubo kag 65 anyos pasaka.
