Nagapanguna ang probinsya sang Iloilo sa pinakamataas nga numero sang panibag-o nga kaso sang COVID-19 nga narekord sa Western Visayas.
Sa Enero 23 nga bulletin sang Department of Health Region VI, 66 ang narecord nga new cases sa Rehiyon 6 kun sa diin 27 diri ang nagikan sa Iloilo Province, 7 sa Aklan, 1 sa Capiz, 16 sa Negros Occidental, 5 sa Bacolod City, kag 10 sa Iloilo City.
31 naman ang nagdugang sa mga naka-recover kag wala sang may dugang sa mga napatay.
Ang Western Visayas ang may yara na subong sang 22, 668 nga total reported cases sang COVID-19.
Sa sini nga numero, 944 ang active cases, 21,027 ang reported recoveries, kag 691 ang reported deaths.
Kun pahat-pahaton ang mga kaso sa rehiyon:
Aklan – 580
Antique – 104
Capiz – 1,248
Guimaras – 255
Iloilo Province – 3,320
Negros Occidental – 6,571
Bacolod City – 5,708
Iloilo City – 4,882
