ILOILO CITY – Daku nga bulig sa mga pulis sa Western Visayas ang Pebrero 8 nga pagbisita ni Philippine National Police Chief Police General Debold Sinas sa talatapan sang Police Regional Office VI.
Sa interview sang Bombo Radyo kay Pol. Lt. Col. Joem Malong, spokesperson sang PRO VI, iya ginpahayag nga magluwas sa mga bag-o nga programa nga gin-introduce sang PNP Chief, may ginpanghatag pa ini nga cash incentives sa mga pulis nga may birthday nga natuon sa Pebrero kag sa mga kalaslon sa Marso.
Ginhatagan man sang cash incentives ang mga performing city and provincial police stations. Matandaan nga wala nag-atubang sa media si Sinas sang siya ang nag-abot sa Iloilo.
