Ginpalawig sang Department of Education tubtob sa Hulyo 10 ang school year para sa basic education sa pungsod.
Santo sa una nga nakasugtan, matapos kuntani ang school year sa Hunyo 11.
Apang base sa DepEd Order No. 012, series of 2021, ginpahayag ni Education Sec. Leonor Briones nga santo sa padayon nila nga pag-monitor sa implementasyon sang distance learning, natumod sang ahensya ang learning gaps sa mga estudyante.
Magluwas diri, hatagan man sang dugang nga instructional time ang mga manunudlo bangud sang lain-lain nga learning delivery modalities.
Santo man sa amo nga pagsulundan, gin-isol sang DepEd sa Mayo 15 ang third grading period nga matabo na kuntani sa Marso 22; ang fourth quarter naman ang patigayunon sa Hulyo 10 sa baylo nga Mayo 17.
Nagtapos na sang nagligad nga Pebrero 27 ang second quarter.
Sa Marso 15 tubtob 19 naman, magatambong ang mga manunudlo sa isa ka professional development program nga gin-organisa sang mga eskwelahan kag iban pa nga units sang DepEd.
