Ipatawag sang Sangguniang Panlalawigan ang tiglawas sang Iloilo Police Provincial Office agud hingyuon nga ibalik ang aktibo nga checkpoint operations sa mga dalanon sa probinsya sang Iloilo.
Ini ang kasunod sang ginmuno nga concern ni Board Member Domingo Oso Jr., vice chairman sang Public Order and Safety sa Provincial Board, nga nagataas ang numero sang kaso sang vehicular accidents sa probinsya kun sa diin involved ang drivers nga hubog.
Sa interview sang Bombo Radyo kay Oso, iya ginpahayag nga ipatigayon sang Committee on Public Order and Security kag sang Committee on Transportation ang committee hearing.
Magluwas sa hingyo sa checkpoints, istoryahan suno sa natungdan ang liquor ordinance kag road safety ordinance.
Naglab-ot naman sa impormasyon sang Sangguniang Panlalawigan nga kalabanan sang mga gindala nga trauma patients sa Western Visayas Medical Center (WVMC) amo ang mga biktima sang vehicular accidents.
