ILOILO CITY- Ginkondena sang National Union of People’s Lawyers (NUPL) National Chairman kag anay Congressman nga si Atty. Neri Colmenares ang pagtuyo sa kabuhi ni NUPL-Visayas Asst. Vice President Atty. Angelo Karlo Guillen.
Sa interview sang Bombo Radyo kay Colmenares, iya ginpahayag nga isa ini ka ehemplo sang pagpang-atake sa mga abogado kag mangin sa mga huwes.
Suno sa anay kongresista, naglab-ot na sa 54 ka mga abogado kag huwes ang ginpamatay may kaangtanan sa ila trabaho humalin sang nagpungko si Presidente Duterte sang 2016.
Ginhangkat naman ni Colmenares ang otoridad nga tutukan kag imbestigahan sang husto ang pagtuyo sa kabuhi ni Atty. Guillen.
