Pilason ang driver sang motorsiklo matapos nakabunggo sa depampasahero nga jeep sa corner sang dalan Ledesma kag Valeria sa Iloilo City Proper.
Ang biktima amo si Erwin Ebro, residente sang Barangay Ortiz, Iloilo City Proper.
Ang driver naman sang jeep amo si Benjamin Obara, Jr., 42, residente sang Guzman St., Mandurriao.
Sa interview sang Bombo Radyo kay Obara, iya ginpahayag nga naglusot lang gulpi ang motorsiklo samtang nagapaliko ang iya ginamaneho nga jeep gani rason nga natumba si Ebro kag nakaangkon sang pilas sa ulo.
Gilayon man nga gindala sa ospital ang biktima samtang ginaimbestigaran naman sang pulis ang insidente.
