Indi pagbuksan sang Philippine Basketball Association (PBA) ang 46th season sang liga subong nga bulan sang Abril.
Suno kay PBA commissioner Willie Marcial, bangud sang pagpatuman sang enhanced community quarantine (ECQ) sa Metro Manila kag kaiping nga mga probinsya, ang liga ang yara subong sa wait and see-mode may kaangtanan sa ila nga mga plano.
Hulaton suno kay Marcial nga ma-lift na ang ECQ sa Abril 11 antes sila magpatigayon sang board meeting para sa ila masunod nga mga tikang para sa liga.
Suno kay Marcial, kinahanglan nga hatagan ang mga teams sang duha tubtob tatlo ka semana nga practice antes mag-umpisa ang season.
Gani kun magaplano pa lang ang PBA sa opening sang season subong nga Abril, indi na ini magsanto sa schedule.
Ang pinakatemprano nga opening of season ang posible patigayunon sa Mayo apang depende pa sa COVID-19 situation sa NCR Plus area.
