Ginpaidalom sa modified enhanced community quarantine (MECQ) ang NCR Plus ukon Metro Manila, Bulacan, Rizal, Cavite, kag Laguna epektibo subong nga adlaw, Abril 12, kag magalawig tubtob sa Abril 30.
Kahapon, Abril 11, sang nagtakop ang pagpatuman sang enhanced community quarantine (ECQ) sa NCR Plus.
Suno kay Presidential spokesperson Atty. Harry Roque, MECQ man ang quarantine status saSantiago City, Isabela, probinsya sang Quirino, kag Abra.
Yari naman ang mga lugar nga naka-general community quarantine: Cagayan, Isabela, Nueva Vizcaya, Batangas, Quezon province, Tacloban City, Iligan City, Davao City, kag Lanao Del Sur.
Ang nabilin nga mga lugar sa pungsod, lakip na ang syudad kag probinsya sang Iloilo, ang magapabilin sa modified general community quarantine (MGCQ).
