ILOILO – Ginpaidalom sa swab test ang tanan nga personnel sa opisina sang gobernador sa Iloilo Provincial Capitol subong nga adlaw, Abril 15, kasunod sang pagpositibo sa COVID-19 sang isa ka empleyado.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga nagapabilin nga asymptomatic ang infected nga pasyente.
Suno kay Mamon, nagapadayon man subong ang contact tracing amo man ang disinfection.
Ang tanan nga transaksyon sa opisina ni Governor Arthur Defensor Jr. ang ginsaylo lang anay sa opisina sang provincial administrator.
Naka-home quarantine naman subong si Governor Defensor.
