Gintudlo sang Malacanang sa Department of Foreign Affairs (DFA) ang gahum sa opisyal nga pag-protesta batok sa presensya sang ginabanta 120 ka Chinese vessels ilabi na sa Tizard Bank nga sulod sa exclusive economic zone (EEZ) sang Pilipinas.
Suno kay Presidential Spokesman Atty. Harry Roque, wala siya sang impormasyon agud makumpirma ang report nga ginrelease sang US-based Simularity sang April 28 kun sa diin ginpakita nga may 11 pa ka barko sa Julian Felipe Reef, 158 ka barko malapit sa McKennan (Hughes) Reef kag 87 ka barko malapit sa Burgos (Gaven) Reef.
Suno pa kay Roque, wala siya sang ideya kun paano gina-handle sang National Task Force on West Philippine Sea ang isyu.
Ginpahayag ni Roque nga kinahanglan mahibaluan kun nag-overstep ang China sa boundaries sa Pag-Asa Island kun sa diin may sovereign rights ang Pilipinas.
Ang importante suno kay Roque amo nga wala sang disruption sa delivery sang supplies sa Pag-Asa kag wala sang Filipino fishermen ang ginadumilian nga magpangisda sa West Philippine Sea.
“And it’s up to the DFA to determine if reports (on Chinese encroachment) are true, and if they’re true, it would be the DFA’s decision to file diplomatic protest or not,” pahayag ni Roque.
