Temporaryo nga ginsuspinde sang Philippine Overseas Employment Administration (POEA) ang pag-deploy sang nurses kag iban pa nga healthcare workers sa luwas sang pungsod.
Suno sa advisory nga gin-isyu ni POEA chief Bernard Olalia, nalab-ot na ang annual deployment ceiling ukon limit nga 5,000 new hires para sa medical workers.
Effective immediately ang amo nga suspension — wala na sang processing kag pag-isyu sang overseas employment certificates kag deployment sang new hires para sa healthcare workers.
Ang ginapahanugutan lang nga makagwa sa pungsod para sa trabaho amo ang mga healthcare workers nga naisyuhan na nga daan sang ila overseas employment certificates.
Sang nagligad nga tuig, una na nga ginpahayag sang Inter-Agency Task Force on Emerging Infectious Diseases nga kinahanglan ang amo nga akto bangud sang “national demand” ukon pagkinahanglan sang Pilipinas sang healthcare workers sa tunga sang coronavirus pandemic.
