Kumpiyansa si anay Senador Antonio Trillanes IV nga i-reject sang mga Filipino ang ‘Duterte brand’ sa masunod nga eleksyon.
Kasunod sang nagatunog nga huring-huring nga magapadalagan sa pagkapresidente ang presidential daughter nga si Davao City Mayor Sara Duterte, ginpahayag ni Trillanes nga luyag man niya nga matabo ini bangud oportunidad ini para sa mga Pinoy nga basurahon na ang miyembro sang pamilya ni Presidente Rodrigo Duterte.
“I actually want a Duterte to run in 2022 because it would be an opportunity for the Filipino voters to reject the Duterte brand in the elections,” pahayag ni Trillanes.
Nahibaluan nga pila na ka kaalyado sang administrasyon ang nagpahayag nga may tuyo si ‘Inday Duterte’ nga magpapili bilang presidente sa 2022.
May pahayag man nga mangin runningmate sini si former Defense Secretary Gilbert “Gibo” Teodoro nga una na nga napierde sa presidential race sa 2010 elections.
Matandaan nga sa isa ka pagsinapol sang Partido Demokratiko Pilipino-Lakas ng Bayan (PDP-Laban) sa pagpamuno ni party vice-chair Energy Secretary Alfonso Cusi, nagpasar sang resolution ang partido agud engganyuhon si Presidente Duterte nga magpadalagan bilang vice president kag magpili sang ila standard bearer.
Reaksyon naman ni Trillanes, nagapati siya nga matabo liwat ang natabo sang eleksyon sang 1986 kag 2010 kun sa diin ‘i-deliver sang mga Pinoy ang ila mandato sa ‘rightful leaders’ sa tion sang critical elections.’6,731People Reached978EngagementsBoost Unavailable
23223221 Comments2 SharesLikeCommentShare
