Gin-ugyunan ni Gilas Pilipinas coach Tab Baldwin ang komento ni Indonesia coach Rajko Toroman may kaangtanan sa Gilas player nga si Dwight Ramos.
‘Revelation’ kun kabigon si Ramos bangud sang iya nangin impressive performances sa 2021 Fiba Asia Cup Qualifiers.
Ginpaanggid man ang Gilas star sa European basketball players bangud sang iya size, toughness, kag shooting ability.
Kahapon, gindayaw ang nangin performance sang Gilas Pilipinas kun sa diin isa si Ramos sa nagpanguna agud nga makuha sang Pilipinas ang 6-0 record sa FIBA Asia Cup qualifiers campaign kasunod sang 82-77 win sa rematch batok sa South Korea.
Anum na ang daug kag wala sang pierde ang Pilipinas samtang ang South Korea naman ang may apat ka daug kag duha ka pierde sa Group A sa torneo nga ginpatigayon sa Angeles University Foundation sa Clark, Pampanga.
Si Ramos ang may yara sang 19 points, 5 assists, kag duha ka steals samtang may ara naman sang tag-10 points sanday Jordan Heading, Kai Sotto kag Rj Abarrientos.
