Istrikto nga gina-monitor sang barangay officials sang Poblacion, Jordan, Guimaras ang 15 ka mga pamilya nga ginapaidalom sa quarantine matapos nga nagpositibo sa COVID-19 ang anom ka mga indibidwal.
Sa interview sang Bombo Radyo kay Punong Barangay Edmundo Sumbang, iya ginpahayag nga lakip sa mga nagpositibo sa virus ang isa ka myembro sang pamilya nga nagatrabaho sa isa ka ahensya sang gobyerno sa diin nalatnan sini ang iya man mga utod.
Lakip man sa mga nagpositibo amo ang pulis nga nagatrabaho sa Jordan Municipal Police Station.
Suno kay Punong Barangay Sumbang, lunsay mga asymptomatic man ang anom ka mga myembro sang pamilya.
